Киёмат кандай кун?

Бу дунё аввалда йўк эди. У бир кун яна йўк бўлиб кетади. Ўша кун дунёнинг охирги куни бўлади. Шунинг учун уни «ОХИРАТ» куни, дейилади. Унинг яна бир оти – «КИЁМАТ». Аллох: «Киёмат соати якин келиб колди», деб айтган. Аммо Киёматнинг качон бўлишини Аллохдан бошка хеч ким билмайди.

Нима учун Киёмат бўлади? Чунки Аллох яхши инсон бўлиб яшаганларга Киёматда мукофот бераман, ёмонлик килганларни жазолайман, деган. У ана ўша ваъдасини бажариш учун Киёматни келтиради.

Кунлардан бир куни куёш кун ботиш томондан чикиб келади. Ана шунда Киёмат бошланади: Исрофил деган фаришта Сур чалади. Дунёда тирик жон борки, хаммаси Сурнинг овозини эшитиши биланок ўлади. Кейин Исрофил фаришта Сурни яна бир марта чалади. Шунда дунёнинг аввалидан бошлаб, то Киёматгача яшаб ўтган жамики одамлар, жинлар ва хайвонлар кайтадан тириладилар. Баданлари йўк бўлиб кетганларга Аллох янгидан тана яратади. Фаришталар хамма инсонларни битта ерга тўплайдилар.

Киёмат куни осмон карсиллаб ёрилиб, юлдузлар тўкилиб кетади. Тоглар гумбурлаб портлайди ва майда-майда бўлиб, хавода учиб юради. Куёш кўкдан пастга туширилиб, ерга якин килиб кўйилади. Иссикдан дарё ва денгиздаги сувлар кайнайди. Киёмат жуда кийин кун бўлади. У кунда ёш болалар хам каттик кўркиб кетадилар. Уларга ота-оналари хам карамай кўядилар. Хамма ўзининг жонини ўйлаб колади. Аммо болалик чогидан бошлаб Раббига ибодат килганларга Аллох ёрдам килади ва Аршнинг остидан соя беради.

Фаришталар бу дунёда ёзиб юрган амал китоблари Киёмат куни хавода учиб келади. Жаннати одамнинг китоби унг ёки олд томонидан, дўзахи одамнинг китоби чап ёки орка томондан учиб келади. Амал китобида инсоннинг хаётда килган хамма ишлари ёзилган бўлади. Аллохнинг Ўзи хаммани сўрок килади.

Охират кунида одамларнинг савоб ва гунохлари тарозуга солиб тортилади. Тарозунинг бир палласига савоб, иккинчи палласига гунох кўйилади. Баъзи одамнинг савоби огир келади… Баъзи одамнинг гунохи огир келади… Кимнингдир хеч хам савоби бўлмайди…

Киёмат куни хамма одамлар Сирот кўпригидан ўтказилади. Сирот кўприги – килдан ингичка, киличдан ўткир. У дўзахнинг устидан ўтади. Кофирлар, мунофиклар ва гунохкор мусулмонлар Сиротдан ўтолмай дўзахга йикиладилар. Яхши мусулмонлар Сиротдан эсон-омон ўтиб жаннатга караб юрадилар. Кейин одамлар бир-бирларида колиб кетган хакларини оладилар. Бу дунёда кимнинг бошка бировда хаки колган бўлса, унга ўша одамнинг савобидан олиб берилади.

Киёматда одамлар каттик чанкаб кетадилар. Бир култум хам сув топилмайди. Шунда Расулуллох Исломга чиройли амал килиб ўтган инсонларга КАВСАР деган каттакон кўлдан сув ичирадилар. Кавсардан бир марта сув ичган одам кайтиб асло чанкамайди.

Киёматда яна жуда кўп ишлар бўлади. Улар хакида сизларга устозларингиз батафсил гапириб беришади.

14 – коида. Киёмат албатта келади. У куни кофирлар, мунофиклар,
золимлар, ярамас одамлар дўзахга ташланадилар. Хисоб-китобдан яхши ўтган
мусулмонлар жаннтга киритиладилар.

Саволлар

1. Нима учун Киёмат бўлади?
2. Киёмат кунида бўладиган ходисалар хакида гапириб беринг.